بسم الله نبداو
||~°°_اليومـ جبتلكم موضوعـ عنديـ بزاف ما سمعتش الناس هدرو عليه_~°°||
الموضوع يحكي على
''°((ركنـ طلبـات الزواج في الجرائد))°"
فيـ وقتـ 2000 حتانـ 2005 كانـت الناس مهبولة بهذا الركن حتى أنو بعض الجرائد فيها 5 صفحات غير هذا الشيء
بصح أنا لي يعجبني هو الهفـ تاع الغاشيـ
الجماعة كاملة حنونة و متدينة و تخاف ربي
mAis
خليـ نشوفو أمثلة:
1/ ابن العاصمة يريدها قبائلية :
مساء الخير، أنا عاصمي أبحث عن فتاة لربطها في المنزل آه ...للارتباط بها على سنة الله و رسوله، أنا عندي خبرة 9 سنين بطالة و لي شهادة في فن الحيطيست، أبحث عنها ذات عقلية متفهمة، جميلة الشكل و المضمون ((يرحم باباكم جميلة المضمون وش هي؟؟ عييت نفهمها ما قدرتش))، حنونة و متحملة للمسؤولية، يا ليتها تملك سيارة و حبذا لو تملك مسكنا خاصا و بل أفضل لو تملك حسابا بنكيا و لا أمانع أن تقوم بالاهتمام بمصاريف العرس، أريدها من مدينة القبائل.
2/ ولد الباهية يبحث عنها متفهمة:
سلام عليكم ، أنا من وهران أبحث عن امرأة للزواج، لا يهمني الشكل خارجي اطلاقا، أبلغ من العمر 73 سنة و نصف، أبحث عن فتاة عذراء لا تتجاوز 54 سنة، راني مازلت ساكن مع الوالدين ربي يحفظهم و لكنهم ناس ملاح نورمال، أنتظر الاجابة.
3/ سالي من عنابة تبحث عن رجل :
انا سالي من بلدية عنابة، آية في الجمال شرطي الوحيد رجل يسترني لوجه الله، أبلغ من العمر 22 سنة، فاقدة لعذريتي بسبب خلل فني من المصدر، محترمة و متدينة و ذات خلقـ، أبحث عن رجل حقيقي يكون لي الأب و الأخ و سأكون له نعم الزوجة
4/ بشة من الواد يبحث عن نصفه الثاني:
السلام عليكم، أبحث عن زوجة على سنة الله و رسوله أريدها من الجنوب الجزائري، أريدها عاملة في شركة بترولية و تملك حسابا ماليا و سيارة 4*4، لا تهمني الماديات طبعا بل أريد زوجة حنونة تخدم عليا و على ولادي لي هربت أمهم و خلاتني حاصل معاهم، السلام عليكم...آه نسيت في عمري 59سنة.
5/ كريمة من قسنطينة تناشد الجميع:
مساء النور عليكم، أنا كي كي (كريمة بالعربية) مطلقة و متزوجة حديثا أبحث عن زوجي الثاني (هنا يحبسها الكاتب العمومي يقولها بلي المرا حرام تزوج زوج)، آه ...اذا راني قريب نطلق زوجي الأول، ابحث عن رجل فحل يتسم بمعاني الرجولة، يطبخ و يربي و يقعدلي في الدار علابالكم انا مش لاتيا بزاف و نضل برا، و نسلكك معليش المهم أتزوج بيا برك، ندي الشيعة بلي مرت راجل
مرحبا انا ميمو اسمي ايمن عبد الرحيم اصلي من عين الفوارة يعني سطايفي مية بالمليار مي نسكن في باب الواد زعما
أبحث عن نصفي الثاني، المظهر فوق المتوسط متربي عاقل خاطيه المشاكل مي فيا حوايج يقلقوا ، أبحث عن فتاة جميلة كالفنانة ريس ويذرسبون محترمة و مثقفة مثل لويزة حنون، تكون صادقة و متربية و ناس ملاح و على وجه ربي مش محجبة، الأوضاع المادية ميسورة و الحمد لله، اللي موافقة ايميلي في ملفي الشخـ....آه قصدي رقمي عند الجريدة. على وجه ربي ادوني معاكم ههههههه واش رايكم كل واحد يكتب على روحو
الجمعة يوليو 20, 2012 9:47 pm من طرف 
موضوع: نسيت العنوان ادخل و شوف 
