كرهولنا حياتنا روطار في كلش

السلام عليكم
مساء الخير
واش راكم ..ان شاء الله يكون فات رمضان و العيد عليكم بالخير و السلامة ...آمين
المهم ... ندخل في موضوعي ديراك
قالك الدزاير دارت خطوط جوية سماتها باسم الجزائر الغالية ....لا و مطار دولي كمان ...اييييه الحالة مطورة مش كيما حكيت في عنوان الموضوع تاعي ...أسناو اسناو...كملوا الموضوع
ايا ادانا النيف على خطوطنا الجوية و قطعت فيها شحال من مرة ... قصدي ريزارفيت فيها (الجزائر-دبي ) و العكس ...بصح قتلونا ...مرضونا ..كسرونا ...يومين و أنا مريضة بسبتهم ... علابالكم شحال يديروا الروطار مش بالساعة و الساعتين و لا ولا ... ياو بال8 ب 9 سوايع
قبل العيد طلعنا للامارات كان الموعد مع 16:30 ... قعدنا حتى لل 1 تع الصباح و حنا في المطار و غيرها كثييييييير ...
ديروا رواحكم في بلاصتهم و قولوا واش لي يخليهم يديروا في الشعب هكذا؟؟؟؟
و لا كاين السيركولاسيو في الجو تع الدزاير و انا ما علاباليش ؟؟؟

هههههه صراتلي انا تاني مرة في لاييروبور
اي اكتر من الحصلة تاعك انا قعدت تما
ادي و لا خلي عقلية مقلية مي الله غالب لا يفترض ن نكره البلاد و ترابها بل نكره الناس الي حاكمة كلش
ادعيلي معاك نجيبها في مدريد و لا روما ههههههه

ههههه على حد قولك حاجا ما تصلح في بلادنا